Аб удзеле Пасла Беларусі ў Эстоніі В.Качанава ў міжнароднай анлайн-канферэнцыі «Наш Шагал»

30.05.2022 г.

Нарвскае беларускае таварыства «Сябры» (г. Нарва, Эстонія) у 2022 годзе праводзіць цыкл мерапрыемстваў, прысвечаных 135-годдзю з дня нараджэння аднаго з найбольш выдатных ураджэнцаў беларускай зямлі і яркага прадстаўніка мастацкага авангарда Марка Шагала.

Так, 28 мая 2022 года нарвскае беларускае таварыства «Сябры» правяло міжнародную анлайн-канферэнцыю «Наш Шагал» (арганізатар – Таццяна Макаранка).

У мерапрыемстве прыняў удзел Надзвычайны і Паўнамоцны Пасол Рэспублікі Беларусь у Эстонскай Рэспубліцы Вячаслаў Качанаў, дыпламаты беларускай дыпмісіі ў Эстоніі, а таксама суайчыннікі з Эстоніі, Беларусі, Ізраіля, Іарданіі, Латвіі і Расіі.

На канферэнцыі выступілі дырэктар музея Марка Шагала ў Віцебску (Беларусь) Ірына Воранава, кіраўнік праекта «Шагал у Малахоўцы» (РФ) Ганна Юдашкіна, гід Нарвскага музея (Эстонія) Алена Ховарт, пляменніца Марка Шагала, мастачка і паэт Ірына Маркава-Шагал (Ізраіль).

Правядзенне шырокай па геаграфічным ахопе ўдзельнікаў анлайн сустрэчы ўнесла важкі ўклад у папулярызацыю за мяжой беларускай культуры.

Нарвскае беларускае таварыства «Сябры» працягне цыкл мерапрыемстваў, прысвечаных Марку Шагалу, да кастрычніка 2022 года.